Orosius, Historiae, Liber 4, Caput 8

monumenta.ch > Orosius > Orosius, Historiae, Liber 4, Caput 8
Orosius, Historiae, Liber 4, 7 <<< >>> 9

Caput 8 HIDE LINKS TO MANUSCRIPTS

1 Anno ab hoc proximo Calatinus consul Camerinam Siciliae urbem petens temere in angustias deduxit exercitum, quas Poenorum copiae iam dudum praestruxerant. 2 cui cum omnino bnf4872.33 r nulla vel obsistendi vel evadendi facultas esset, Calpurni Flammae virtute et opera liberatus est, qui lecta trecentorum virorum manu insessum ab hostibus tumulum occupavit et in se Poenos omnes pugnando convertit, donec Romanus exercitus obbmv545.45 rsessas bsb65382.264 angustias hoste non urguente transiret. 3 caesi sunt in eo bello omnes trecenti, solus Calpurnius quamvis multis confossus vulneribus et cadaveribus obtectus evasit. 4 Hannibal senior a Carthaginiensibus iterum classi praepositus, infeliciter cum Romanis navali proelio congressus et victus, ab exercitu suo seditione orta lapidibus coopertus interiit. 5 Atilius consul Liparam Melitamque insulas Siciliae nobiles pervagatus evertit. 6 consules, in Africam iussi transferre bellum, cum trecentis triginta navibus Siciliam pebke1009.55vtiverunt: quibus Hamilcar Poenorum imperator et Hanno classi praefectus occurrit. conserto navali proelio Carthaginienses in fugam versi sexaginta et quattuor naves perdiderunt. 7 csg621.148 victores consules in Africam transvecti sunt primamque omnium Clipeam urbem in deditionem receperunt. 8 inde Carthaginem petentes trecenta aut eo amplius castella populati sunt, infesta Carthagini signa circumbsb65382.265tulerunt. 9 Manlius consul Africa cum victrici classe decedens septem et viginti milia captivorum cum ingentibus spoliis Romam revexit. 10 Regulus, bellum Carthaginiense sortitus, iter cum exercitu faciens haud procul a flumine Bagrada castra constituit: ubi cum plurimos militum aquandi necessitate ad flumen descendentes serpens mirae magnitudinis devoraret, Regulus ad expugnandam bestiam cum exercitu profectus est. 11 sed nihil in tergo eius proficientibus iaculis atque omni telorum ictu inrito, quae per horrendam squamarum cratem quasi per obliquam scutorum testudinem labebantur mirumque in modum, ne corpus laederent, ipso corpore pellebantur, cum insuper magnam multitudinem morsu conminui, impetu proteri, halitu etiam pestifero exanimari videret, ballistas deferri imperavit, per quas murale saxum spinae eius incussum conpagem totius corporis solvit. 12 talis siquidem est natura serpentis, bsb65382.266 ut, cum pedibus carere videatur, costis tamen et squamis, quas a summo gutture usque ad ibnf4871.37 vmam alvum parili modo dispositas habet, ita instruitur, ut squamis quasi unguibus, costis quasi cruribus innitatur. 13 non enim ut vermis, cui spinae rigor non est, bnf9665.79 et in directum corpusculi sui partes gradatim porrigendo contractas, contrahendo porrectas motum explicat, sed alternis intenta conatibus latera sinuosa circumfert, ut per exteriorem spinae curvaturam rigentem costarum aciem tendat, costis autem natura ad summum rectis squamarum ungulas figat; quod vicissim et celeriter agendo non solum plana perlabitur, sed etiam convexa conscendit, tot vestigiis instructa quot costis. 14 huius itaque rei causa est, ut, si in qualibet corporis parte ab alvo usque bmv545.45 v ad caput ictu aliquo conlidatur, debilis reddita cursum habere non possit; quia ubicumque ille ictus inciderit bsb65382.267 spinam solvit, per quam costarum pedes et motus corporis csg621.149 agebantur. unde etiam haec serpens, quae tamdiu tot iaculis invulnerabilis obstitit, ad bke1009.56r unius saxi ictum debilis cessit ac mox circumventa telis facile oppressa est. 15 corium autem eius Romam devectum - bnf4872.33 v quod fuisse centum viginti pedum spatio ferunt - aliquamdiu cunctis miraculo fuit. 16 Regulus adversum tres imperatores, id est Hasdrubales duos et accitum ex Sicilia Hamilcarem, atrocissimum bellum gessit, in quo caesa sunt Carthaginiensium decem et septem milia, capta autem quinque milia, decem et octo elephanti abducti, oppida octoginta et duo in deditionem cessere Romanis.